Trab iswed
minn Byron Camilleri
In-niestal-Fgura issa xebgħu. Xebgħu sal-ponta ta’ mneħirhom u magħhom xebgħu wkoll ir-residenti tal-madwar. Il-problema tat-trab iswed misterjuż ilha għaddeja is-snin u għadhom mingħajr risposti u azzjonijiet konkreti.
Saru protesti, konferenzi tal-istampa, diskussjonijiet u mitt ħaġa oħrajn iżda r-residenti tal-Fgura u tal-madwar fis-sena 2009 għadhom qegħdin ibagħtu minn din il-problema kbira tan-nugrufun. Problema b’riżultat li f’din is-sħana kbira fl-eqqel tas-sajf lanqas biss jistgħu jiftħu tieqa jew gallarija. Il-faċċati tad-djar, il-bjut, gallariji u kullimkien reġgħu qegħdin ikunu mimlijin b’dan it-trab iswed.
It-tħassib tagħna għar-residenti huwa akbar għax nafu li l-Gvern mhux qed jirnexxielu jistabilixxi minn fejn ġe
j dan in-nugrufun. Agħar minn hekk, il-Gvern għadu lanqas biss skopra l-oriġini tan-nugrufun ta’ madwar sentejn ilu.
j dan in-nugrufun. Agħar minn hekk, il-Gvern għadu lanqas biss skopra l-oriġini tan-nugrufun ta’ madwar sentejn ilu. Skont rapport fuq It-Torċa il-Professur Edward Mallia jemmen li t-trab iswed fil-Fgura huwa r-riżultat tal- powerstation tal-Marsa. It-trab iswed huwa r-riżultat ta’ proċess li jissejjaħ ‘inversion’. Dan iseħħ meta jkun hemm arja kiesħa fuq il-powerstation u arja taħt aktar sħuna. Minħabba dan, id-dħaħen ma jmorrux ‘l fuq iżda jinfirxu fil-ġenb. Ir-riżultat ikun li fejn imur dak id-duħħan, iħalli l-marki tiegħu li jkun trab iswed, bħal partijiet minn dak li qed jinstab fil-Fgura.
Problemi ta' sahha
F’riċerka u rapport preżentat minn Dr Jason Bonnici u Dr Martin Balzan, tefa’ dawl fuq ir-realtà kerha li ċ-ċittadini tal-Fgura u ż-Żejtun iħabtu magħha fejn jidħlu problemi ta’ saħħa minħabba l-arja ħażina li jgħixu fiha.
Dawn ir-residenti huma fost l-aktar fid-dinja li jbagħtu minn problemi ta’ Asthma u mard respiratorju ieħor.
Mir-rapport ħareġ ċar ukoll, li l-problema tal-Asthma mhihiex waħda ġenetika u ġejja biss minn ‘pollution’ ambjentali.
Dr Balzan u Dr Bonnici sabu li wieħed minn kull tmien persuni (12.5%) fil-Fgura jbagħtu bl-Asthma. U persentaġġ aktar għoli huma dawk in-nies li jbatu minn sintomi jew allerġiji respiratorji tal-Asthma, bl-ammont ikun dak ta’ wieħed minn kull erbgħa, jew 25%.
Dawn l-ammonti li huma allarmanti, ġew mitfugħin taħt it-tapit u ma smajna xejn aktar dwarhom.
Wieħed ma jistax ma jsaq-six. Għaliex l-Enemalta ma tippublikax onlajn ‘records’ regolarment ta’ moniteraġġ tal-emmisjonijiet tal-arja fil-powerstation? Il-Gvern għandu jgħid b’liema prattika u mezzi, l-Enemalta qiegħda tipprova tnaqqas l-emmisjonijiet? Min se jerfa’ r-responsabiltà politika tal-mard li qegħdin ibagħtu minnu r-residenti tal-Fgura?
U biex inkomplu ngħaxxqu kollox, ir-risposta tal-Gvern hija dik li nibnu powerstation ġdida li minflok nużaw apparat u sistemi moderni li jħammġu inqas l-arja bħall-gas, se nibnu powerstation antika li se tkompli żżid il-mard respiratorju fil-Fgura u fin-nofsinhar ta’ Malta.
byroncamilleri@gmail.com
2 comments:
Prosit Byron,
Ghadni niftakar meta kont student tal-5th form naghmel presentation ghall-klassi tal-biology fuq il-hsara kbira li jaghmel in-nugrufun. Kelli rapport interessanti (u alarmanti) fuq is-sitwazzjoni kif qieghda fil-Fgura u l-Marsa pero jidispjacini li dan issa ma nafx x'sar minnu.
Din hija haga tal-misthija u li qas titwemmen li gvern ma jkollux ideja minn fejn qieghed jirrizulta dan it-trab. U dan meta suppost bena din il-legislatura fuq il-qafas ambjentali ta' l-hekk imsejjah 'zvilupp sostenibli'.
Tghid ghax forsi iqis ic-cittadini ta' dawk l-inhawi bhala votanti l-ewwel u nies it-tieni?
Grazzi Andrew
Naqbek mieghek perfettament meta tghid "Tghid ghax forsi iqis ic-cittadini ta' dawk l-inhawi bhala votanti l-ewwel u nies it-tieni?"
Sfortunatament in-naha t'isfel ta' Malta saret daqs li kieku kienet il-mizbla jew il-parti s-sewda ta' dan il-pajjiz. Kull haga li haddiehor ma jixtieqx li tkun fir-rahal tieghu qed issib posta f'dawn l-inhawi.
Post a Comment